ⵉⵇⵇⴰⵏ ⴷ ⴰⴷ ⵏⵎⵎⴰⵖ ⵅⴼ ⵎⴰⵢⴰ
ⵢⵓⵔⴰ ⵜ
ⵃⵎⴰⴷ ⴰⵢⵜ ⵄⵜⵎⴰⵏ
| 🕑
ⵎⴰⵅ ⴰⴼ ⴰⵔ ⵓⵔ ⵏⴰⴽⴽⴰ ⴰⵜⵉⴳ ⵉ ⵜⵓⵜⵍⴰⵢⵜ ⵏⵏⵖ? ⵏⵥⴹⴰⵔ ⴰⴷ ⴰⵙ ⵏⴼⴽ ⴰⵜⵉⴳ ⵉⵖ ⵜⵜ ⵏⵔⴰ ⴰⵔ ⵙⵉⵙ ⵏⵙⴰⵡⴰⵍ, ⵎⴽⴰ ⴷ ⴰⵔ ⵏⵙⴽⴰⵔ. ⵎⴰⵛ ⵎⴰⵏ ⴰⵏⴰⵎⴽ ⴰⴷ ⵔⵉⵖ ⵙ ⵡⴰⵜⵉⴳ ⵏ ⵜⵓⵜⵍⴰⵢⵜ ⵉⴳⴰ ⵜ: ⴰⴷ ⵙⵉⵙ ⵏⵜⵜⴰⵔⴰ. ⴳ ⵓⵣⵎⵣ ⴰⴷ ⴰⵜⵉⴳ ⴰⵎⵇⵇⵔⴰⵏ ⵍⵍⵉ ⵔⴰⴷ ⵉⴼⴽ ⵢⴰⵏ ⵉ ⵜⵓⵜⵍⴰⵢⵜ ⵏⵏⵙ ⵉⴳⴰⵜ ⴰⴷ ⵙⵉⵙ ⵉⵜⵜⴰⵔⴰ.
ⴰⵎⵓⴽⵔⵉⵙ ⵉⴳⴰ ⵜ ⵎⴰⵙ ⴷ ⵜⴰⵏⴱⴰⴹⵜ ⵓⵔ ⴰⵔ ⵜⵙⵙⵍⵎⴰⴷ ⵜⴰⵎⴰⵣⵉⵖⵜ ⵙ ⵎⴽⵍⵍⵉ ⵙ ⴷ ⵉⵇⵇⴰⵏ ⴰⵙ ⵙⵉⵙ ⵜⵜⵢⴰⵡⵖⵔⴰ. ⵜⵓⴳⴳⵜ ⵏ ⵡⵉⵍⵍⵉ ⵍⵎⴷⵏⵉⵏ ⵜⴰⵎⴰⵣⵉⵖⵜ ⵏⴷ ⵙⵙⵏⵏ ⴰⴷ ⵙⵉⵙ ⵜⵜⴰⵔⴰⵏ ⵎⵇⵇⴰⵔ ⴰⵔ ⵙⵓⵍ ⵙⴽⴰⵔⵏ ⵉⵣⴳⴰⵍⵏ, ⵍⵎⴷⵏ ⵜⵜ ⵖⴰⵔ ⴷⴰⵔ ⵉⵅⴼⴰⵡⵏ ⵏⵏⵙⵏ.
ⴷ ⵡⴰⵏⵏⴰ ⵜⵜ ⵉⵍⵎⴷⵏ ⵓⵔ ⴰⵔ ⴱⴰⵀⵔⴰ ⵉⵜⵜⴰⴼⴰ ⵎⴰⴷ ⴷ ⵙⵉⵙ ⵉⵜⵜⴰⵡⴹ (ⵙ ⵜⵉⵔⵔⴰ). ⵎⴰⵛⵛ ⵉⵇⵇⴰⵏ ⴷ ⴰⴷ ⵏⵎⵎⴰⵖ ⵅⴼ ⵎⴰⵢⴰ.