ⴷⴷⵉⵖ ⵙⵙⵓⵔⴷⵖ, ⵙⵙⵔⵖ ⵢⴰⵏ ⵍⴽⴰⵙ ⵏ ⵓⴽⴼⴰⵢ, ⵖⵉⵍⴰ ⴰⵔ ⵙⵍⵍⴰⵖ ⵉ ⴽⵔⴰ ⵏ ⵓⵥⴰⵡⴰⵏ ⵖ “Lux Radio” , ⴰⵔ ⵉⵢⵉ ⵉⵙⵙⵓⵙⵓⵎ ⵓⵥⴰⵡⴰⵏ ⵏⵏⵙⵏ ⵙⵍⴰⵡⴰ ⵏⵏ ⴰⴽⴽⵯ ⵖ ⵜⵉⵣⵉ ⴰⴷ (23:57).
ⵓⵔⵔⵉⵖ ⴷ ⴰⵙⵉⵖ ⴰⵎⵙⵙⵓⴷⵙ ⵉⵏⵓ ⴰⵔ ⵙⵡⵉⵏⴳⵉⵎⵖ ⵎⴰ ⴰⵔⴰⴷ ⴷⴰⵖ ⴰⵔⴰⵖ, ⴰⵔ ⵙⵡⵉⵏⴳⵉⵎⵖ ⵢⴰⵏ ⵉⵎⵉⴽⴽ ⵎⴰⵛⵛ ⵓⵔ ⵙⵙⵏⵖ ⵎⴰⵏ ⴰⵙⵏⵜⵍ. ⵔⵉⵖ ⴰⴷ ⵉⵢⵉ ⴷ ⴽⴰ ⵢⴰⵛⴽ ⴽⵔⴰ ⵏ ⵓⵙⵏⵜⵍ ⴳ ⵓⵏⵍⵍⵉ ⵎⴰⵛⵛ ⴰⵔ ⵖⵉⵍⴰ ⵡⴰⵍⵓ! ⵏⵏⵉⵖ ⴰⴷ ⴽⴰ ⵙⵙⵏⵜⵉⵖ ⵜⵉⵔⵔⴰ ⵎⴽⴰ ⵍⵍⵉ ⵜⴰⵇⵔⴰⵜ ⴰ ⵢⵉⵎⵖⵔⵉ.
ⴳ ⵡⴰⴷⴷⴰⴷⵏ ⴰⴽⴽⵯ, ⵉⵇⵇⴰⵏ ⴷ ⴰⴷ ⵏⵏ ⵉⴳ ⵓⴼⴳⴰⵏ ⵜⵓⴳⴳⴰⵙ ⵏⵏⵙ ⵖ ⵓⵎⴰⴹⴰⵍ ⴰ ⵉⵖ ⵉⵔⴰ ⴰⴷ ⵉⵍⴽⵎ ⵉⵍⵍⵉ ⵉⵔⴰ. ⵏⵔⴰ ⴰⴽⴽⵯ ⵎⴰⴷ ⵉⴼⵓⵍⴽⵉⵏ, ⵎⵇⵇⴰⵔ ⴳⵉⵖ ⵡⵉⵍⵍⵉ ⵉⵔⴰⵏ ⵎⴰⴷ ⵉⵀⵔⵛⵏ, ⴷ ⴰⴷ ⴷⴰⵔⵏⵖ ⴰⵍⵍⵉ ⵙ ⵏⵜⵜⵡⵉⵔⴳⵉ. ⵙ ⵉⵎⴰⵜⴰ ⵏⵔⴰ ⵜⵉⵡⵓⵔⴳⴰ ⵏⵏⵖ ⴰⴽⴽⵯ ⴰⴷ ⴳⵉⵏⵜ ⵜⵉⴷⵜ. ⴳ ⵢⴰⵜ ⵜⵙⴳⴰ ⵢⴰⴹⵏ, ⵉⴳⴰ ⴰⵎⵓⴽⵔⵉⵙ ⵉⵖ ⵓⵔ ⴷⴰⵔⴽ ⴽⵔⴰ ⵏ ⵜⵡⴰⵔⴳⵉⵜ! ⵡⴰⵏ ⴰⴷ ⵉⴳⴰⵏ ⴰⵎⵓⴽⵔⵉⵙ.
ⵖⵉⵍⴰ ⴰⴷ ⵏⵙⴰⵡⵍ ⵅⴼ ⵉⴷ ⴱⵓ ⵜⵡⵓⵔⴳⴰ .. ⵉⵙ ⵜⵍⵍⴰ ⴽⵔⴰ ⵏ ⵜⵖⴰⵔⴰⵙⵜ ⵎⴰⵙ ⵏⵙⴽⴰⵔ ⵖ ⵜⵡⵓⵔⴳⴰ ⵏⵏⵖ ⵜⵉⴷⵜ ⵉⴷⴷⵔⵏ? ⵏⴷ ⴰⵍⵓⴳⵏ ⴰⴷ ⵜⵏ ⵉⴹⴼⵓⵔ ⵢⴰⵏ? ⵜⴰⵡⵓⵔⵉ ⵉⵥⵉⵍⵏ ⴷⴰⵔⵙ ⵜⵉⵎⴰⵜⴰⵔⵉⵏ ⴰⵎ ⵡⴰⵔⴰⴹⵓ ⵙ ⴷⴰⵔⴰⵜ, ⴷ ⵜⵡⵓⵔⵉ ⵓⵔ ⵉⵜⵜⴱⴱⵉⵏ ⴰⵔ ⴷ ⵜⴻⵜⵜⵓⵙⵎⴰⴷ. ⵡⴰⵏⵏⴰ ⵉⵜⵜⵓⵔⵔⵉⵏ ⵙ ⵜⵖⵔⵉⴷⵏ ⵉⵖ ⵓⵔ ⵉⴳⵉ ⴳ ⵉⵅⴼ ⵏⵏⵙ ⴰⴷ ⵢⴰⵡⵉ ⵙ ⵎⴰⵎⵓ ⵉⵥⴹⴰⵕ, ⵔⴰⴷ ⵏⵉⵜ ⵉⵖⴰⵎⴰ ⵖ ⴷⴰⵔⴰⵜ ⴰⵔ ⴷ ⵉⵎⵎⵜ. ⵙ ⵓⵎⴷⵢⴰ, ⵉⵖ ⵜⵔⵉⵜ ⴰⴷ ⴷⴰⵔⴽ ⵉⵍⵉⵏⵜ ⵜⵢⴰⴼⵓⵜⵉⵏ ⵉⴼⵓⵍⴽⵉⵏ ⴳ ⵜⵖⵔⵉ ⵏⵏⴽ, ⵉⵇⵇⴰⵏ ⴷ ⴰⴷ ⵜⵍⵎⴷⵜ ⴰⴷ ⵜⴳⴳⴰⵏⵜ ⴷ ⴰⵔ ⵜⵏⴽⴽⵔⵜ ⵣⵉⴽⴽ, ⴷ ⴰⴷ ⵓⵔ ⵜⴼⴼⴰⵍⵜ ⵜⴰⵡⵓⵔⵉ ⵏ ⵡⴰⵙⵙ ⴰ ⵉ ⵢⵓⵣⴽⴽⴰ, ⵜⴹⴼⵓⵔⵜ ⵉⵙⵙⵉⵙⴼⵉⵡⵏ ⵏ ⵎⴷⴷⵏ ⵍⵍⵉ ⵙ ⵜⵙⵙⵏⵜ ⵉⵙ ⴰⵔ ⵙⵡⵓⵔⵉⵏ ⵎⵣⵢⴰⵏ ⴳ ⵜⵓⴷⵔⵜ ⵏⵏⵙ; ⴰⵛⴽⵓ ⵍⵍⴰⵏ ⵛⴰ ⵏ ⵉⵡⴷⴰⵏ ⴰⵔ ⴰⴽⴽⴰⵏ ⵉⵙⵙⵉⵙⴼⵉⵡⵏ ⵎⴰⵛⵛ ⵏⵜⵜⵏⵉ ⵙ ⵉⵅⴼⴰⵡⵏ ⵏⵏⵙⵏ ⵓⵔ ⴰⵔ ⵙⵉⵙ ⵙⴽⴰⵔⵏ.
ⴰⵏⵛⴽ ⴰ ⴰⴷ ⴷⴰⵔⵉ ⴰⵙⵙ ⴰⴷ ⵜ ⴰⵔⵉⵖ ⵓⵔ ⵜⵜⴰ ⴷⴷⵉⵖ ⴷⴰⵔ ⵉⴹⵙ, ⵎⴰⵛⵛ ⴱⵄⴷⴰ ⵓⴼⵉⵖ ⵓⴽⴰⵏ ⴰⵙⵏⵜⵍ ⵍⵍⵉ ⵎⵉⵜ ⴳⴳⵓⵎⵎⵉⵖ ⵅⴼ ⵉⵣⵡⵓⵔ ; ⵜⵉⵎⵏⵙⵉⵡⵉⵏ.