ⴰⵙⵙ ⵏ ⵓⵙⵉⵎⵡⴰⵙ 03/08/2018 ⵣⵔⵉⵖ ⴰⵎⵎⴰⵙ ⵏ ⵜⵔⵓⴷⴰⵏⵜ ⵍⵍⵉ ⵉⴳⴰⵏ ⵢⴰⵜ ⵜⵖⵔⵎⵜ ⵙⴳ ⵜⵖⵔⵎⵉⵏ ⵜⵉⵇⴱⵓⵔⵉⵏ ⵏ ⵡⴰⵎⵓⵔⴰⴽⵛ, ⵎⵇⵇⴰⵔ ⴳⵉⵙ ⵜⵖⵍⵉ ⵜⵙⴽⴼⵍⵜ ⵏ ⵜⵔⵖⵉ ⵓⵔ ⵢⵓⵊⵊⴰ ⵎⴷⴷⵏ ⵙⵍⴰⵡⴰⵏ ⴰⴽⴽⵯ ⵉⵔⵓⵎⵎⵉⵢⵏ ⴷ ⵉⵎⴰⵍⴰⵢⵏ ⴰⴽⴽⵯ ⴰⴷ ⴳⵉⵙ ⵣⵉⴳⵉⵣⵏ ⴰⵔ ⴽⴽⵉⵜⵏ ⵜⵉⵡⵍⴰⴼⵉⵏ ⴷⴷⴰⵡ ⵏ ⵜⴼⵓⴽⵜ ⵜⵓⵥⵥⵓⵎⵜ ⵏ ⵡⴰⴹⴰⵏ.. ⵜⴰⵔⵓⴷⴰⵏⵜ ⴰⵔ ⵜⵜⴰⵡⵉ ⵉⵥⵔⵉ ⴷ ⵓⵏⵍⵍⵉ ⵙ ⵜⵙⵓⴽⵉⵏ ⵏⵏⵣ ⵎⵥⵥⵉⵢⵏⵉⵏ ⴷ ⵉⵣⴷⴰⵢⵏ ⵏⵏⵙ ⵉⵇⴱⵓⵔⵏ ⵉⴳⴰⵏ ⴰⵏⴰⵡⵏ.
ⵜⵎⵎⵔⵡⴰⵙ ⴱⴰⵀⵔⴰ ⵜⵔⵓⴷⴰⵏⵜ ⴷ ⵎⵕⵕⴰⴽⵛ ⴰⵛⴽⵓ ⵏⵥⴹⴰⵔ ⴰⵡⴷ ⴰⴷ ⵏⵉⵏⵉ ⵎⴰⵙ ⵜⴳⴰ ⵉⵎⵎⵉⵙ. ⵜⵍⵍⴰ ⵢⴰⴷ ⵜⵔⵓⴷⴰⵏⵜ ⵓⵔ ⵜⴰ ⴷ ⵉⴽⵛⵎ ⵍⵉⵙⵍⴰⵎ, ⵜⵜⵡⴰⵙⵙⵏ ⵙ ⵖⵉⴽⵍⵉ ⵜⴳⴰ ⵜⴰⵎⴰⵥⵓⵏⵜ ⵏ ⵙⵓⵙ ⴳ ⵎⴰⴷ ⵉⵣⵔⵉⵏ, ⵎⴰⵛ ⵉⴽⵛⵎⴷ ⵙⵉⵙ ⵄⵓⵇⴱⴰ ⴱⵏ ⵏⴰⴼⵉⵄ ⴷ ⵡⵉⵍⵍⵉ ⵜ ⵉⴷ ⵉⴹⴼⵓⵔⵏ ⵣⵓⵏⴷ ⵎⵓⵙⴰ ⴱⵏ ⵏⵓⵚⴰⵢⵔ, ⵡⵉⵍⵍⵉ ⴷ ⵉⵡⵉⵏⵉⵏ ⵍⵉⵙⵍⴰⵎ ⵙ ⵜⵎⴰⵣⵖⴰ ⵎⵇⵇⴰⵔ ⵜ ⵉⴷ ⵙⵎⵓⵏⵏ ⴷ ⵉⴷⴰⵎⵎⵏ..
ⵉⵎⵣⴷⴰⵖⵏ ⵏⵏⵙ ⴳⴰⵏ ⵓⴳⴳⴰⵔ ⵏ 80149 ⵏ ⵓⴼⴳⴰⵏ (ⵓⴷⴷⵓⵏ/ⴰⵙⵉⴹⵏ ⵏ 2014), ⵜⵡⴰⵙⵙⵏ ⴷⴰ ⵙⴰⵡⴰⵍⵏ ⵙ ⵜⵎⴰⵣⵉⵖⵜ ⴱⴰⵀⵔⴰ ⵎⴰⵛⵛ ⵖⵉⵍⴰ ⴰⵔ ⵜⵜ ⵙⵎⵔⴽⴰⵙⵏ ⴷ ⵜⵀⵡⴰⵔⵉⵜ, ⵢⴰⵜ ⵜⵏⵜⴰⵍⴰ ⵜⴰⵄⵔⴰⴱⵜ ⵉⵅⵍⴹⵏ ⴷ ⵜⵎⴰⵣⵉⵖⵜ. ⵎⴰⵢⴰ ⵉⴳⴰ ⴰⵎⵓⴽⵔⵉⵙ ⵖⵉⵍⴰ ⵎⴰⵛⵛ ⵓⵔ ⴷ ⵖⴰⵔ ⵖ ⵜⵔⵓⴷⴰⵏⵜ, ⴰⵛⴽⵓ ⵜⴰⵏⴱⴰⴹⵜ ⴰⴷ ⵉⵔⴰⵏ ⴰⴷ ⵜⵙⴽⵔ ⵎⴰⵢⴰⵏ - ⴷⴰ ⵙⴰⵡⴰⵍⵖ ⵅⴼ ⵓⵙⵄⵔⵔⴱ (ⵜⵄⵔⵉⴱ) ⵏ ⵜⵎⵉⵣⴰⵔ ⵏⵏⵖ ⵏⴽⴽⵏⵉ ⵏ ⵉⵎⴰⵣⵉⵖⵏ. ⵉⵎⴰⵣⵉⵖⵏ ⵉⵍⵍⴰ ⴼⵍⵍⴰⵙ ⴰⴷ ⵓⵔ ⴼⴼⴰⵍⵏ ⴳ ⵜⵎⴰⵣⵉⵔⵜ ⵏⵏⵙⵏ, ⵉⵅⵚⵚⴰ ⴰⴷ ⵙⴰⵡⴰⵍⵏ ⴰⵔ ⵜⵜⴰⵔⴰⵏ ⵜⵓⵜⵍⴰⵢⵜ ⵏⵏⵙⵏ ⵜⴰⵎⴰⵣⵉⵖⵜ ⴱⴰⵛ ⴰⴷ ⵉⵖⴰⵎⴰ ⵢⵉⵍⵙ ⵏⵏⵙⵏ.
ⵉⵙ ⴽⴰ ⴳⵉⵙ ⵣⵔⵉⵖ ⵎⵇⵇⴰⵔ ⵓⵔ ⴱⴰⵀⵔⴰ ⴰⵙⵙⵜⵡⴰⵏⵜ ⵜⵡⵍⴰⴼⵉⵏ ⴰⴷ ⵎⴰⵛ ⵏⵏⵉⵖ ⵔⴰⴷ ⴽⵏ ⵙⵙⵓⵙⵎⵏⵜ.
